بالله اللي يعرف ..

السلام عليكم ..
بالله نبي نشري أستديوا كامل ( والكمال لله ) قصدي فسطه كل شيء .. بكم ومن وين ولو فيه موقع عروض ممكن .. ومنوريين .





مش لازم التلقيح من المفرخ .!))+

اول حاجة يامان الاستديو الكامل بيكلفك للزنطيط

لكن نقولك حل اسهل و اريح و ارخص

برا خود مايك مليح ممكن يكلفك 150

و مش مهم المايك يعني حتى متاع ال100 ولا ال150 كويس

و اهم حاجة و المهم هو كرت الصوت يا خوي و احسن كرت في السوق حالياَ

اسم كرت الصوت "كريتف"

و حتى المكان للي بتسجل فيه مهم جداً يعني لازم يكون مكان مغموم او مغلف

و هدا كل يكلفك حوالي " 650" ولا اقل

لكن حاجة تمام

سلامي

منور يا راس .. لاكن نبي استديوا .. الي تقول عليه عندي .

اوكي يا مان الاستديو
من 5000 و برا فوق

منور يا خونا ولعلمك بس .. صاحبي واخد واحد في 2008 بـ 1600 وقال حشوني فيه يعني كان يقدر يا خده باقل .. ومنور مرة تانية تاعبتك معاي .. يخشوا جماعة الاستديوات ويقولوا .

السلام عليكم

لو تبي تدير استوديو احترافي تقدر تقول تبيلك ميكسر من 300 ل 500 دولار

مايكرفون كوندنسار من 200 ل 600 دولار

جهاز الكمبيوتر يكون سريع ومخصصه للتسجيل وتكون فاصل الدار لي تبي تسجل فيها عن الدار لي فيها الكمبيوتر

والساس متاع الدار لي تسجل فيها يكون معزول يا اما بستيكات دحي او اسفنج

والباقي كله حاجات زايدات الي قلتلك عليه هو الاساسي والاسعار لي قلتهن لكي تقريبيات والحاجة الكويسة والي مش مبالغ فيها تلقاها في الحدود هذبنا

طبعا مش حتلقاهن في ليبيا

خليتني نقرا فرحان وكسرت الفرحة بالكلمة هاذي ..
طبعا مش حتلقاهن في ليبيا
مالا الجماعة اللي تسجل في استديوهات تمشي تسافر واتجي ؟.

ومنور علي مرورك

في واحد صاحبي عندا فكرا عل مواضيع هذينا ستديوات و تسجيلات تو نسئلا لكي ونرد عليك بس اسمع كان صار منها البيعا نبي نسبااا

توا نقولك يمكن نساعدك

انت لو كنت في طرابلس في شارع نسمع بيه اسمة الكندي تقريبا

المهم الشارع هظا في مايكات وجو امتاع التسجيل

المهم مكان فيه مايكات وتاحد المايك اللي يعجبك

وانا نوصيك بواحد اسمة STAR TRACK وسعرة حوالي 350

وبالنسبة لكرت الصوت خود واحد اسمة CREATIVE XTREEM وسعرة حوالي 440 دينار

وهكي راح يكون عندك اقوى ستوديو تسجيل

ويكلفك كله معا بعضة 800 دينار وكلة متواجد في ليبيا

وان شاء الله ساعدك

وتشاااو

صكرهم ع 1000 دينار....................هههههههههههههههههههههههههههههههه...

مية مية خوي .. gun ونعرفه الكندي ايه .. منوريين كلكم .

مية مية خوي .. gun ونعرفه الكندي ايه .. منوريين كلكم .

يا غالي اني من سكان طرابلس عندنا شارع الكندي فيه كل شيئ لاكن في منطقه في طرابلس اسمها حي الاكواخ في استوديو للبيع كان ايسجل فيه دبل زيرو ومده سجل فيه كوينر يعني استوديو مليح بكل لاكن ايكلفك هلبا كلمني كان تبي نسألك علي الثمن و كل شيئ بيس يا مان