اســــــتــــغــــفر الله العظيم و لا الــه الا الله وحده لا شريك الله

السلام عليكم و رحمه الله و بركاته

هدا الموضوع بعيد عن الراب و بعيد عن الحرب اللي بيناتنا

سواء كنت شرقاوي ولا غرباوي ولا من اي مكان في ليبيا ولا برا ليبيا المهم انك مسلم

يا شباب في حاجه صايرة هاليومين مفروض منسكتوش عليها بأعتبار اننا مسلمين قبل كل شي

و قبل ما نخش في الموضوع اللي عقليته قاعده في الطفوله و بيرد رد زي وجهه مسخشش خــير

لأن الموضوع كبــــــــيـــــر كــــــبــــيـــــر و مينسكتش عليه

نخــــــــــــشوا في الموضوع

بسم الله الرحمن الرحيم:
يا أيها الذين آمنوا إن تنصروا الله ينصركم ويثبت أقدامكم
صدق الله العظيم

دعوة لنصره الله تعالى مني اني كأنسان لا كرابر ولا شي كأنسان له غيره على دينه

في واحد يا شباب في الفيسبوك و يمكن انكم سامعين بالموضوع مدعي انه هوا الله(استغفر الله)

و هوا ملحد و في اشاعات تقول انه من اسرائيل و اشاعات تقول انه مصري

المهم مدعي الالهية هدا دار صفحه على الفيس بوك باسم الله(((لا الــه الا الله وحده لا شريك له)))

و بدي يخرط و يكتب في اشياء تثير غضب كل مسلم و بعد مظاهر داروها مسلمين الفيسبوك تم قفل الصفحه

اللذي يدعي فيها الالهية

لكن هدا الملحد لم يتوقف و دار صفحة تانيه في الفيس بوك اسمها الله(((استغفر الله يا رب العالمين)))

فهذه دعــــــــــوة مني للكل جميعا للمسجلين في الفيس بوك و الغير مسجلين بأن يسجلو و ان ينضموا

في المجموعة الرسميه اللتي تحاول ان تجمع اكبر عدد ممكن من المسلمين و اللذين ضد صفحه

مدعي الالهية على هذا الـــــرابط:https://www.facebook.com/group.php?gid=376247619431&ref=mf#!/pages/m-lglq-lf-lty-ydy-bh-nh-llh-strk-wdw-dqk/10150117701895234?ref=ts

و لغير المسجلين في الفيس بوك المبادرة بالتسجيل و الاشتراك معنا لايقاف هدا الشخص

و الرجاء ابلاغ الكل بهذه الصفحه لكي تعم الفائدة

ملاحظة مني(((بالله يا شباب في الصفحه الاولى في الرابط الاول اشبحو الصورة الشخصيه متع القروب هادي كانت صورة ملتقطة من الصفحه الاولى اللي تم اغلاقها تو تشوفو هدا الشخص شن مداير استغفر الله مداير آيات قرآن جديدة و كلام بيتحاسب عليه اشد حساب ان شاء الله نكون بلغت شي مهم و السلام عليكم و رحمه الله و بركاته)))

الرجاء من الادارة تصحيح الروابط على هذا النحو

صفحه القروب اللي ضد صفحة مدعي الالهية:

[ندعوك للتسجيل في المنتدى أو التعريف بنفسك لمعاينة هذا الرابط]

هههههه معاش يبي يجي الرابط

المهم هدا الرابط

سلام

امنور انا اشتركت فيه من زمان

و استغفر الله

لا اله الا الله وحده لا شريك له

مشكور ع المعلومة

انا امسجل فيه الفيس بوك بس مانعرفش فيه اى حاجة

خش على رابط صفحه الله و انزل لوطا تلقا كلمه الابلاغ عن هذه الصفحه رص عليها و دير ابلاغ
و انضم لي القروب اللي ضد الصفحه هادي

استغفر الله و خلاص
عموما انا سمعت بيه و جابوه حتى في الاخبار
تي واحد كلب مش لازم تعطيه وجه ..... المشكلة لو في ناس مصدقاتى
منور يا اوت لو ... يجعله في ميزان حسناتك
تشاو ناو هاهاو

اشهد ان الالة الا اللة محمد رسوال اللة
الحمداللة اني مسلم

امنور علي موضوع انشاء اللة في ميزان حسناتك

مشكور لك على التنويه
واستغفر الله العضيم
لاقوى الا بالله

ياحول الله
ياجماعه احذفو اعملو شي

ومنور اوت لو

والله اضيقت

شهد ان الالة الا اللة محمد رسوال اللة

منور ياخوي ان مشرك في الفيس بوكوانشالله خير

منور يا شاب علي الموضوع مهم جد انشاء الله انحطو عندا حدوا هدا كلب

استغفر الله العظيم منور على الموضوع وانشالله خير

انا حولته الرابط بتاع الصفحة

لان هذا الي يبيه هو

انه الصفحة بتاعه تنتشر عشان الي نفوسهم ضعيفة يسجلو فيها ويصدقوه والي نفوسهم مش ضعيفة يسجلو فيها ويسبوه

والاثنين يدعمو فيه بدون مايقصدو بالطريقة هذي

احسن حل التجاهل

صح عندك الحق يا صقع

هذي من علامات الساعه
اشقو بروحكم بدري
الي مايصلش ايصلي
والي مايزكش ايدز لي كرت 5 مدار

ههههههههههههههههههههههههههههههههههههههههههههههههه

تى انا خشيت فيها المقاطعة غير علشان اصحابي سكنولي

انا فى الإغلب انفوت فيهن الحاجات هذينا لان كيف ما قال محمد اللى دايرها يبى الشهرة

وكيف اللى يقولك ابلغ هذه الرسالة لان فلان حلم بالرسول قاله ابلغها والمشكلة تلقاهم فى كل مكان

توا هل من المعقول انهم كلهم حلموا بالرسول؟؟ توا اى واحد يحلم بالرسول ؟ اكيد لا

يعنى كله كذب فى كذب .. ربي قالك انشر الحق بس مش بالطريقة هذه

بالعكس انك اتضيع وقتك فى النت غير تنشر فى الحاجات هذينا اللى مافيهنش فائده هو اللى غلط

المهم الزبدة كلها كلها انك اتدير روحك حول وكانك ما شفتش حاجة

هههههههههههههههههههههههههههههههههههه

انا بعد مافكرت في الموضوع اهوا
لقيت ان احسن شيئ التجاهل زي ماقال سيليني
لان انا متأكد ان في الناس ايمانها ضعيف خنسو من الموضوع و قالو في عقلهم ( مرات يطلع هوا ربي )
انتا كانك مؤمن تفوتا موضوع زي اهوا لان الله عز و جل مش محتاج يخش ع الفيس بوك باش يخاطب عبيدا
لان يعرف الناس كلها شن ادير في للحظة وحدة .... و الي قال انا ربكم هذا الاملاء متاعا غلط !!!! تعتقدو ان هوا الي كتب قرآن كامل بقواعد املائية جبارة
خلي عقلك اكبر من ان تصدق حاجات زي اهيا و اعرف ان ربي اكبر بهلباااااااااااااااا من ان يخش ع الفيس البوك او النت عامتآ
الموضوع كبير يا شباب ... كبير مش من ناحية الفيس بوك و الجو الي صار ..... كبير من ناحية الناس الي تصدق و ايمانها ضعيف
اما الموضوع متاع الفيس بوك فوتو
ياريت تسكرى يا سيليني
تشاو ناو هاهاو

يا شبابا اكيد احسن شي هوا التجاهل لكن اني حطيت رابط الصفحه باش تديروا ابـــــلاغ عليها او report لأن بدون الريبورتات مش حتتصكر

استغفر الله
تو انسجل ونشترك فيه سلااام...

بسم الله الرحمن الرحيم
قل هو الله احد الله الصمد لم يلد ولم يولد ولم يكن له كفؤا احد
صدق الله العظيم

الله اكبر الله اكبر الله اكبر الله اكبر ياااااااااااااااااااااا رب يااااااااااااااااا الله
نزل عليهم صوت عداااب
الله المستعان استغفر الله
(الدنيا جابت ما عندها) معاش في شي ما شفنا شي ااااااااااه ه ه ه ه ه ه ه ه ه ه ه يا رب انصرنا على القوم الكا فرين

المشكلة انه ملحد يعني لادين لاملة ماشي هكي وخلاص هو دار هكي باش ينشهر أو يستفز المسلمين وأصحاب الكتب السماوية الأربعة يلي تؤمن بألله السماء والارض وربنا سبحانه وتعالي يمهل ولايهمل وأنشالله نسمعوا خبره عن قريب جزاك الله خير صاحب الموضوع ..................

» صورة على الجدار لأسم العظيم توباك
» انشاء الله انا وركم
» هذي ثاني وحده ليا وقولو شن رايكم
» فديتك يا رسول الله
» عندي ما ليس عند الله!!!!