سبب تهميش الرابرز في الوطن العربي

السلام عليكم

طبعا العنوان واضح

زي ماملاحظين الراب العربي انتشر هلبة في الفترة الاخيرة و عنده هلبة جمهووور

لكن انا ملاحظ ان في تهميش للراب و الرابرية من وساءل الاعلام و غيرها
و يمكن يكون في شوي اهتمام لكن نااادر و قليل يعني
و بذات في ليبيا مافيش دعم بكل عمريش سمعت اغنية راب في راديو او انهنم استضافو رابر في برنامج تلفزيوني او تكلمو على الراب في مقالة في مجلة او حاجة زي هكي قصدي عندي احساس انهم يحاربو في الراب ملخير

و الفنانين المشهورين و الاغنياء اللي جاي عليهم كل الاهتمام زي نانسي عجرم و الجماعة هديكة قلولي شن يديرو

مايديرو فشييي والله مايديرو فحاجة لا يكتبو فكلمات لا يصنعو فالحان لا يتعبو ولا يديرو فشي كل شي يجيهم واتي و غار يمشي لاستديو يغني الاغنية اللي هي سطرين و يعاودو فيهم طول الخمسة دقايق و اغانيهم قالبة الدنيا و صورهم فكل مكان و مقيومة بيهم و
الرابرز يتعبو اكتر منهم الف مرة و صايرلهم التهميش شن السبب في رايكم؟

كلامك ممكن مزبوط بالنسبة للراب الليبي

لكن الراب العربي بصفة عامة في نجاح مسمتر

شوف المغرب والجزائر . البومات الراب معبيات السوق و يطلعو في التلفزيون في مقابلات ودايرين حتى فيديو كليبات يعرضو فيهن في التلفزيون وحتى اخبارهم معبيات الصحف

والراب اللبناني نفس الشي في رابرية دارو فيديو كليبات وفي شركات انتاج

اما بالنسبة للراب الخليجي

اتوقع انك لاحظت اهتمام وسائل الاعلام بيه زي ال mbc مثلا استضافت اكتر من رابر في كذا لقاء علي التلفزيون

واستضافو من كم اسبوع قروب وكر العصفور على اذاعة ال fm

وماتنسش شركة بلاتينيوم ريكورد الي قاعدة تنتج لقصي

ومن قبل الامبي سي استضافت قروب mtm المصري و قروب arabian knights في برامجها

وعندك كلاش الي الصحف في السعودية بقت تكتب عليه و طلع حتى علي قناة ال mbc اللبنانية في حلقة خاصة

هذا كله وتقولي ان الراب العربي مهمش

كلامك صح الراب لليبي يبي دعم
المشكله انا رابرية ليبيا شويه مش واجد
مع الوقت يتغير الراب لي احسن

المشكله في ليبيا ناس متحب تسمع دسات جو سب وكلام مش تمام
يبو اغاني تحكي عن الواقع او مشاكل او الفقر

توه كل رابر ليبي يطلع في دس اكتر حاجه

شكرا ليك علي موضوع

لازم الرابر يبدا من الصفر و بمجهوده ويغلط ويصلح عشان ينجح

شوف رابرية امريكا الكبار شوف ملوك الراب

كلهم كاينين اندر جراوند وبدوا بروحهم وسجلو اضعف تسجيل و اشتركو في مسابقات ومشو وجو ولفو وبعد سنين تبنت اغانيهم شركات الانتاج

الشي هذا لازم يدير بيه كل رابر ليبي

صح هو مافيش شركات انتاج تدعم الفن هذا في ليبيا

لكن مشوار الميل يبدا بخطوة

والاستوديوات في كل مكان والتسجيل المنزلي في البداية لازم منه

هذا رايي

مشكورين على التفاعل و من اللي قالت عليه المواطنة سمايل ماشفت منه الا كلاش في ال بي سي

و المغاربة خليهم بروحهم

و اكتر شي حارقلي دمي ليبيا بكككل تهميش للراب و مفيش اي جهة معترفة بيه كفن

بالنسبة لل mbc مش مقصرة HAH

استضافة ال arabian knightz في برنامج ادم

استضافة ال M.T.M في كلام نواعم

استضافة the hood في صباح الخير يا عرب

استضافة قروب راب فلسطيني في كلام نواعم

مقابلة مع هاشم من وكر العصفور على mbc fm

هذينا الي شفتهن والي فاتني واجدات

مهما كان شوية ضروري يكون في اهتمام اكبر و انا اكتر شي يهني ليبيا
يعني علاش الليبيين يغنو في الراب اصلا
هل هم عابيين ان بيكون في شركات انتاج و ينجولهم البومات و فيديوكليبات و ينشهرو و يولو اغنياء؟ هههههههههههههه مستحيييل ممكن بعد خمسين سنة

rap 4 fun man
..

edaned is the name - for ever

rap for fun f**k the fame - no change never

readin it

مان شويه شويه حا يعترفو بي راب ليبي بس

مزال طريق طويله واحني كيف بدينا المشوار

kel

شدو روحكم وابدو بدايه جديده خلي

صحافه و وسائل الاعلان تلفتو انتيباهم

لي راب ليبي

ومشكور يا مان اعلي الموضوع هيا لك تاحيه

سلاااااام

امان كل شي يجي بي الصرار والعزيمة مفيش حاجة

تجي طول ويبدا الراب الليبي مشهور ويبد في شركة انتاج لرابرية ضروي

اكون على حسب الرابر يعني لم تبي شركة انتاج وتبي اغاني راب ليبية في السوق الدولي

يعني اتعب ودير مستوء يامان بعدين هات رابر ايغني على حاجة في ليبي يعني حاجة تلفت انتباة

الاناس

تى امتى طلع الراب الليبى اصلا نين ايكون فيه اهتمام
ما اتبحتليش فى أمريكا واتقول ليش ما نقعدوا كيفهم
تى الراب الامريكى له فترة كبيرة بعدين فى حاجة مفروض
تنتشر عندنا الاول فى المدارس و هى ال mc battles
وطبعا تلقى عيال المدارس الخاصة البلابل بس يعرفوا انجليزى
انا توا نقرا فى عبيدة ( عامة ) ما القيتش واحد يفهم انجليزى كويس
شكرا يا طير على الموضوع