كرسى الاعتراف نتمنى ان ينال اعجابكم

منورة الكرسي ومنورة علي ردككككككك

هلا هلا هلا

عندي تلاته اسئله وياريت تجاوبيني

س1 امتا حبيتي راب ؟

س2 ومني اكتر رابر ليبي تحبي تسمعيله؟

س3 عمرك فكرتي انك تغني راب ؟

وهيا لكي تاحيه سلاااام

امكبد على بنغازى بكل كتب:: عودة مكبد الك من جديد السؤال الاول 1.انتى قلتى فى الجامعة ممكن شنو التخصص؟
لغات

السؤال الثانى2.خمس افضل اعضاء عندك فى منتدى بصراحة
فكنا من الاحراج

السؤال الثالث 3.لما لقتينى مختارك اول عضو فى كرسى الاعتراف رايك بصراحة شنو كان؟
ماهو قتلك استغربت

السؤال الرابع 4.سؤال رياضى اين نادى تفضلى فى الدورى اليبى؟
مانتبعش فيها الكورة

السؤال الخامس 5.سفرك كلة كان فسحة ولة كان فى منة علاج فى الخارج؟
لالا مش علاج

هذينة اسئلتى الك يلا سلام بس الاجابة نبيها فى اسرع وقت مع انى عارفك مش حاتطولى فى الرد سلام بس ربى يكون فى عونك منى طيلة ها الاسبوع وانتى وحجوزة فى كرسى الاعتراف سؤال اخير .00.ماتبى شى ؟ يلا اتشاو بس ليا رجعة

Mr.Ta!lor كتب:: ههههه

ردود حلوة منك يا ميس

الله يخليك حتى اسئلتك حلوة

اولا حاجة ولا عمري فتحت سيرتك قدامهم

اما بالنسبة للفرق بين الراب والهيب هوب

نحب نصلح معلوماتك

انتي قلتي ان الراب ميحتاجش صوت حلو

لاكن الهيب هوب يحتاج

اني نقولك لا

الزوز يحتاجو صوت

وفي نفس الوقت ميحتاجوش صوت

ولاكن يحتاجو اداء

فلو جمع الصوت مع الأداء تبدى حاجة رائعة فعلا

اما بالنسبة للفرق بينهم

فمعظم مغنين الراب الليبي يقولو انهم يغنو في راب

الراب هو فرع من الهيب هوب زي الأر اند بي والبوب

ولاكن لما يقولو انهم يغنو في هيب هوب يعني يغنو في اغنيه

على ايقاع متغير ومنفصل

شنو المقصود بيها متغير ومنفصل

المقصود انه فيه كورسات وانترو واوترو

ووقفات احيانا تكون كوميدية او لقاء معين او شيء من هذا القبيل

اما عن الراب فيكون ايقاع واحد مستمر

غير متغير

ويستمر ماه الرابر في الكلام

ومفيش كورسات يعني معنداش مقاطع تتعاود

واحيانا يكون فيه سكتات

يعني في الهيب هوب تلاحضي

ان لو سكت المئدي هيخرب الأغنية

كل وقفة وليها مكان

لاكن الراب لا

مرات يقدر وو يغني يسكت وياخد نفس براحته ويكمل على الإيقاع

حتى في الأماكن الغير مناسبة

هيقدر يكمل

هذا هو الفرق بين الراب والهيب هوب

ان شاء الله نكون فدتك

والله منك متصور قداش فدتني

وشكرا علي مشاركتك خبرتك

تحياتي ليك وللكل

صحيتى مس على الاجوبة بس انا قلت لكى ليا رجعة اة انا رجعت ان شاء الله تكونى مستعدة مع انا مزال الك يومان وتخرجى

من كرسى الاعتراف وينزل عضو جديد هيا باهى ...................... السؤال الاول.س1.انتى هل لديكى خبرة فى الطبخ ام لا ؟ السؤال الثانى س2.هل فى مرة سافرتى فى باخرة؟ السؤال الثالث س3.هوايتك ممكن تذكريها لنا ؟ السؤال الرابع س4.اذا سمعتى با البوس انة دخل المستشفى هل تفكرى انك تزورى ام لا؟ السؤال الخامس س5.افض بلاد من البلدان الى زرتيهن تمنيتى انك تعيشى فيها ماترجعيش لى ليبيا؟ السؤال السادس س6.هل انتى من الذين يفضلونة العيش خارج بلادهم ام لا؟ السؤال السابع س7.هو ماتبى شى ؟ يلا سلام مس مع انة ليا رجعة قبل ماتنتهى صلاحية حجزك فى الكرسى سلام مس[

امنورين ياشباب على ويا miss rap

ميس عندي ليك 3 اسئله

1 - اما احسن اغنية عندك لي ( EMINEM )

2 - هل تحبي السباحة

3 - هل عندك حبيب

جيت وربي جبني
هي نبدا
اول شي يو يو
السواااال الاول هل لم تسمعي اغنية راب تهزي راسك؟

السواااال تاني الراب ليبي يعجبك لو حتي المغني يطلع دس علي بنات كلهن ؟

السواااال ثالث اي اغنيه راب من اغاني راب ليبي تسمعي فيه لعند توه ؟

وهي تشاااو
تحياتي

هاي miss rap

ازيك ....

انا مش جي اسئل

انا جاي اشمت بس

باي

هي مان لم روحك

مديرش روحك راجل علي بنت

هي شوف اللي قدمك وتعال تكلم
في حاجه اسمه الاحترام

هي تشاااو

سكار فيس كتب:: هي مان لم روحك

مديرش روحك راجل علي بنت

هي شوف اللي قدمك وتعال تكلم
في حاجه اسمه الاحترام

هي تشاااو

والله كلامك مزبووط

منور يا مان صحيت هكي نفهمك ونحبك
تعال دردشة

سكار فيس انتة بكلمتك الى وجتها لة كنة عندة كرامة توة يتاسف ويسلاملى فمك

صحيت وشكرا ليك

فوتوها الاخت كترتو عليها و هي منظرها فاتتكم بالقوة ههههههههه

LIL'ALEM كتب:: باه انا نسئل ولا لا

المهم سووال الاول لو حلصتي فرصه تغني الراب تغنيه
لالا مش علي بالي ابدا الموضوع هذا

انت من وين بالزبط وين ساكنه طرابلس ولا بنغازي
اني شرقاوية بس عايشة في طرابلس

من احسن رابر تحبيه من جماعه ديرتي ساوت
مافهمتكش ..انت تقصد قروب ليبي ولا امريكي!!

وشن رايك في G STREET
عضو محترم ..كان مشرف وتوا مشاركاته قليله

تشاووووووووووووو
باي

رابيستا كتب:: هلا هلا هلا
ترحيب حار !!

عندي تلاته اسئله وياريت تجاوبيني

س1 امتا حبيتي راب ؟
ممكن من ثلاث سنين

س2 ومني اكتر رابر ليبي تحبي تسمعيله؟
دبل زيرو

س3 عمرك فكرتي انك تغني راب ؟
لالالا مش علي بالي الموضوع زي ماقلتلكم

وهيا لكي تاحيه سلاااام

هاي اميرة منتدانا

اسئلتني كلهن عالموزيقى

...

1*تسمعي لملك الراب (توباك)؟

2*تحبي الروك؟

3*تحملي في الاغاني من النت ديما ولات تشري في سيديات واشرطة؟

4*ايش هو احفضل البوم عندك؟

5*انو افضل راب ليبيا او السعودية؟

تحياتي.. بريك

والله حاله بكل

انت تبي تسئلها خشلها على الرسائل الخاصه
عليش الجو القلق
يا مان خلي جوك فري...............

مشــــــــــآغب على اصوله musak

امكبد على بنغازى بكل كتب:: صحيتى مس على الاجوبة بس انا قلت لكى ليا رجعة اة انا رجعت ان شاء الله تكونى مستعدة مع انا مزال الك يومان وتخرجى
من كرسى الاعتراف وينزل عضو جديد هيا باهى ...................... السؤال الاول.س1.انتى هل لديكى خبرة فى الطبخ ام لا ؟
الحق مازلت نتعلم

السؤال الثانى س2.هل فى مرة سافرتى فى باخرة؟
لالا وبعدين الطيارة احسن واسرع

السؤال الثالث س3.هوايتك ممكن تذكريها لنا ؟
سماع الموسيقى والنت و ركوب الخيل

السؤال الرابع س4.اذا سمعتى با البوس انة دخل المستشفى هل تفكرى انك تزورى ام لا؟
بعيد السو

هههههههههههه عليك سؤال

السؤال الخامس س5.افض بلاد من البلدان الى زرتيهن تمنيتى انك تعيشى فيها ماترجعيش لى ليبيا؟
مهما مشيت لبلدان وسافرت حتظل ليبيا هي بلادي ومانستغنيش عنها

السؤال السادس س6.هل انتى من الذين يفضلونة العيش خارج بلادهم ام لا؟
ماهو قلتلك لا

السؤال السابع س7.هو ماتبى شى ؟
سلامتك

يلا سلام مس مع انة ليا رجعة قبل ماتنتهى صلاحية حجزك فى الكرسى سلام مس[

MR Cold كتب:: امنورين ياشباب على ويا miss rap

ميس عندي ليك 3 اسئله

1 - اما احسن اغنية عندك لي ( EMINEM )
حاليا اكتر اغنية نسمع فيها لايمينم هي just loose it

2 - هل تحبي السباحة
لاوالله

3 - هل عندك حبيب
كوني نسمع في الراب وكون البنات في ليبيا دايرات العار ويطبقن فالي يشوفن فيه في المسلسلات التركية

هذا مايخلينيش ننسى عاداتنا وتقاليدنا

لا

سكار فيس كتب:: جيت وربي جبني
هي نبدا
اول شي يو يو
السواااال الاول هل لم تسمعي اغنية راب تهزي راسك؟
اذا الاغنية تستحق

السواااال تاني الراب ليبي يعجبك لو حتي المغني يطلع دس علي بنات كلهن ؟
!! كيف تجي هذي !!

السواااال ثالث اي اغنيه راب من اغاني راب ليبي تسمعي فيه لعند توه ؟
هلبة اغاني ومنهن - الجرابة - مافيش الصديق - الحرام - take a ride - dream - شارك ريمكس

وهي تشاااو
تحياتي

بريك للمليون كتب:: هاي اميرة منتدانا

ميرسي

اسئلتني كلهن عالموزيقى

...

1*تسمعي لملك الراب (توباك)؟
ايه اكيد عنده كم اغنية حلوة

2*تحبي الروك؟
لا نحبه ولا نكره عادي عندي

3*تحملي في الاغاني من النت ديما ولات تشري في سيديات واشرطة؟
نشري في السيديات والاغاني الي مانحصلهنش علي سيديات نحملهن من النت

4*ايش هو احفضل البوم عندك؟
eminem - encore

5*انو افضل راب ليبيا او السعودية؟
الراب الليبي فيه مواهب و رابرية وامكانيات روعة بجد

الراب السعودي راب قديم لدرجة انه الراب في السعودية منتشر انتشار هائل
والرابرية في السعودية ابدعو بصراحة هلبة منهم طلعو علي التلفزيون والاذاعات

مانقدرش نقارن بيناتهن

تحياتي.. بريك

هي يا مان غير البنت نبو شاب توه
حط واحد اخر
يو يو

تشاااااااو

» تمة حجز متهم جديد فى كرسى الاعتراف (بااذن الادارة)
» إيمينم ينال المجد بحسب رأي كيد كدي
» احم احم احم لعبه جديده اسمها كرسي الاعتراف
» السلام عليكم شباب اني اسمي ايهاب نتمنى اني نكون عضو فعال فهادا المنتدى